Орыс тілі мен әдебиеті онкүндігі аясында С.Жүнісов атындағы №18 мектеп-лицейінің орыс тілі мен әдебиеті пәнінің мұғалімі Кенжебаева А. К. "Жаңартылған білім беру мазмұны шеңберінде қысқа мерзімді жоспар құрудың ерекшеліктері"атты оқыту сабағын өткізді.

 Сабаққа түрлі оқу пәндерінің мұғалімдері шақырылды. Айгүл Қадырқызы әріптестерінің назарын SMART форматында болуы тиіс сабақтың мақсатын тұжырымдауға, яғни нақты, өлшенетін, қол жеткізуге болатын, мағыналы, уақыт бойынша айқындауға аударды. Айгүл Қадырқызы қысқа мерзімді жоспардың негізі болып табылатын сабақтың мақсатын тұжырымдау кезінде нақты тұстарын көрсетті.
​Сабаққа қатысқан мұғалімдер белсенді қатысып, сұрақтар қойып, оқу мақсатына негізделген сабақтың мақсаттарын өздері тұжырымдады. Сабақ соңында оқытушылар сындарлы кері байланыс алды.