"Үздік жас маман-2021"

          Мектебімізде  "Үздік жас маман-2021" байқауы өтті. Байқауға алты тәлімгер өз тәлім алушыларымен қатысты. Қатысушыларымыз 4 кезеңнен тұратын тапсырмаларды орындап,білім сынасты. Жас мамандарымыз әр тапсырмаға үлкен жауапкершілікпен қарап, тиянақты дайындықтарымен көзге түсті. Тәлімгерлер мен жас мамандардың арасында тығыз байланыс бар екені сөздерінен, іс әрекеттерінен анық көрініп тұрды. 2-кезеңде жас мамандарымыз ұсынылған тақырыпқа  сабақ жоспарын құрып көрсетті. Қатысушыларымыз  білім,білік,дағдыларын осы жерде паш етті. Өз сабақтарында мақсат қоя білу, белсенді  әдіс-тәсілдерді тиімді  пайдалану, жұптық,топтық жұмыстарды нақты көрсете білді.  Байқаудың қорытындысы бойынша әділқазылар алқасы төмендегідей шешім шығарды:
1-орынды жас маман Кожагулова Н.А. тәлімгері: Камашева Б.Ш. жеңіп алса, 2-орынды жас маман Зикен А.Ж. тәлімгері Жанайдарова К.Б. мен жас маман Батыр М. Тәлімгері Бралина С.С. бөлісті. 3-жүлделі орындарды жас маман Каримжанов М.А. тәлімгері Зайтин У.,жас маман  Аманжолова Ж.Б тәлімгері Дүйсенбай Е.,  Жас  маман Хасенова Ж.Д. тәлімгері Бегалина Б.А. жеңіп алды. Жас мамандарымыздың қанаттарын қатайтқан тәлімгерлерімізге алғыс білдіре отырып, жас мамандарымызға еңбек жолында толағай табыстар тілейміз.